Raza Musani 
جنیوا : اقوام متحدہ کے انسانی حقوق کے ادارے او ایچ سی ایچ آر کے سینکڑوں ملازمین نے غزہ جنگ کو باضابطہ نسل کشی قرار دینے کا مطالبہ کردیا۔ ادارے کے سربراہ وولکر ترک کے نام پانچ سو سے زائد ملازمین کی جانب سے ایک خط بھیجا گیاہے جس میں کہا گیا ہے کہ غزہ میں انسانی حقوق کی خلاف ورزیوں کی شدت اورنسل کُشی کے تمام قانونی تقاضے پورے ہو چکے ہیں۔ خط میں مزید کہا گیا کہ اگر اقوام متحدہ اس جنگ کو نسل کُشی قرار دینے میں ناکام رہتا ہے تو یہ ادارے کی ساکھ اور انسانی حقوق کے عالمی نظام کے لیے بڑا دھچکا ہوگا۔
خط میں کہا گیاہے کہ او ایچ سی ایچ آر کی مضبوط قانونی اور اخلاقی ذمہ داری ہے کہ وہ نسل کشی کی کارروائیوں کی مذمت کرے۔ خط میں غزہ پر اقوام متحدہ کی بے عملی کا موازنہ روانڈا میں 1994 کی نسل کشی کو روکنے میں اس کی وسیع پیمانے پر ناکامی سے کیا گیا ہے۔
