یوکرین جنگ نہیں جیت سکتا، روس اب بھی طاقتور ہے، امریکی فوج کا اعتراف

واشنگٹن : امریکی فوج نے روس کیخلاف جنگ میں یوکرین کی کامیابی کے امکانات کو رد کرتے ہوئے کہا ہے کہ تنازع سیاسی طور پر ہی حل ہوسکتاہے۔ امریکا کے جوائنٹ چیفس آف اسٹاف جنرل مارک ملی نے کہا ہے کہ یوکرین کے عنقریب جنگ میں کامیابی کے امکانات نہ ہونے کے برابر ہیں کیونکہ بعض ناکامیوں کے باوجود روس کے پاس اب بھی نمایاں جنگی طاقت موجود ہے۔ انہوں نے کریمیا کی فتح کے تناظر میں یوکرینی روس کو پورے یوکرین سے نکالنے کا دعویٰ کرتے ہیں لیکن روسی فوجی طاقت کے سامنے عنقریب ایسا ہونا ممکن نہیں ہے۔ جنرل مارک ملی نےکہاکہ تنازع کا سیاسی حل ممکن ہےجس کےنتیجے میں روسی دستبردار ہوسکتے ہیں۔ ادھر پولینڈ میں گرنے والے میزائل سے متعلق پولش حکام اور نیٹو نے تصدیق کردی ہے کہ یہ روس نے نہیں داغا تھا بلکہ یوکرین کی جانب سے داغا گیا میزائل تھا جو غلطی سے پولینڈ میں جاگرا۔