Raza Musani 
پشاور: پاکستان نے افغان حکومت کے ساتھ کامیاب مذاکرات کے بعد طورخم بارڈر کو آٹھ روز بعد کھول دیا۔ پاکستان نے افغان سرزمین پر سرحد کے قریب تعمیرات پر بارڈر بند کردیا تھا۔ اس دوران سیکیورٹی فورسز کے درمیان فائرنگ کا تبادلہ بھی ہوا تھا۔ آج صبح 8 بجے بارڈر کھلنے کے بعد ٹرانزٹ اور مسافروں کی آمد و رفت شروع ہوگئی۔ پاکستانی میڈیا کے مطابق پاکستانی حکومت نے ضلع چترال سے کالعدم تحریک طالبان پاکستان کے عسکریت پسندوں کے انخلا کو بارڈر دوبارہ کھولنے سے مشروط کیا تھا۔ کابل حکومت کی مداخلت پر کالعدم ٹی ٹی پی سرحدی علاقوں سے مکمل طور پر پیچھے ہٹ گئی ہے۔ یہ بات بھی سامنے آئی ہے کہ افغان حکومت نے پاکستان کے خلاف اپنی سرزمین استعمال کرنے والوں کیخلاف کارروائی کا عندیہ دیا ہے۔
