Raza Musani 
صنعا : یمن میں انصار اللہ کے سربراہ سید عبدالملک بدرالدین الحوثی نے کہا کہ 21 ستمبر کا انقلاب عوامی تھا جس نے امریکا کو وحشت زدہ کردیا۔ دشمنوں کے تمام تر منفی پروپیگنڈوں کے برخلاف یہ عوامی انقلاب بدستورجاری ہے۔اس انقلاب کے بعد جارح سعودی اتحاد نے جنگ مسلط کی اور ہر جگہ انتہائی وحشیانہ انداز میں یمنی عوام کا قتل عام کیا جس نے امریکیوں اور ان کے اتحادیوں کی حقیقت دنیا پرعیاں کردی ۔ انھوں نے کہا کہ جارح امریکی سعودی اتحاد ظالمانہ محاصرے اور اقتصادی سازشوں کے ذریعے یمنی عوام کو معاشی دشواریوں اور مشکلات میں مبتلا کررہا ہے۔ انہوں نے کہا کہ انقلاب سے پہلے امریکی سفیر یمن کا حاکم ہوا کرتا تھا، امریکا یمن پر اپنا وہی تسلط حاصل کرنےکے درپے ہے۔
