مسئلہ کشمیر کا حل بات چیت اور مفاہمت ہے، میر واعظ

سری نگر: مقبضہ کشمیر میں حریت رہنما میرواعظ عمر فاروق نے کہا ہے کہ مسئلہ کشمیر کا حل بات چیت اور مفاہمت ہے۔
چار سالہ نظر بندی کے بعد اپنے پہلے خطبہِ جمعہ میں میرواعظ عمر فاروق نے کہاکہ ہم اپنے تمام مسائل کا پُرامن حل چاہتے ہیں لیکن عوامی خواہشات کے مطابق۔ انہوں نے کہاکہ ہم نے ہمیشہ یہی مانا ہے اور تمام ایسی کوششوں میں حصہ لیا ہے جس کے تحت غیر متشدد طریقے سے مسائل کا حل نکالا جا سکے اور وہ طریقہ بات چیت اور مفاہمت کا ہے۔ انہوں نے کہاکہ ہم برادریوں اور قوموں کے ساتھ پُرامن طریقے سے رہنے پر یقین رکھتے ہیں، ہم مضبوط اور کمزور اور اقلیت اور اکثریت کے ساتھ رہنے پر یقین رکھتے ہیں۔ میرواعظ عمر فاروق نے اپنے خطبے میں ہندو پنڈتوں کو ’بھائی‘ کہہ کر مخاطب کیا اور کہا کہ وہ بھی کشمیر اپنے گھروں کو واپس آجائیں۔ میرواعظ عمرفاروق کے مطابق کشمیر کا مسئلہ صرف زمین تک نہیں بلکہ ’ہمارے لیے ہمیشہ یہ ایک انسانی مسئلہ رہا ہے۔