غزہ کی پٹی کے عوام ہر شکل میں جہنم میں رہ رہے ہیں، انروا

جنیوا : اقوام متحدہ کی امدادی ایجنسی انروا کے سربراہ فلپ لازارینی نے کہا ہے کہ غزہ کی پٹی کے عوام ہر شکل میں جہنم میں رہ رہے ہیں۔ فلپ لازارینی نے ایکس پر ایک پوسٹ میں لکھا کہ اب وقت آ گیا ہے کہ اسرائیلی حکومت ایک مختلف بیانیہ کو فروغ دینا بند کرے، امدادی تنظیموں کو بغیر کسی پابندی کے امداد فراہم کرنے کی اجازت دے اور بین الاقوامی صحافیوں کو غزہ کے اندر سے آزادانہ طور پر رپورٹنگ کرنے کی اجازت دے۔
انہوں نے کہا کہ نے غزہ شہر میں قحط کو روکا جا سکتا ہے۔ صرف اردن اور مصر میں انروا کے گودام بھرے ہوئے ہیں اور کافی خوراک، ادویات اور حفظان صحت کا اتنا سامان موجود ہے جو چھ ہزار ٹرکوں کو بھرنے کے لیے تیار ہے۔ انہوں نے مزید کہا کہ اسرائیل کی ریاست کو ہمیں غزہ میں امداد فراہم کرنے کی اجازت دینی چاہیے۔