معاہدے کے حصول میں واحد رکاوٹ امریکا کا رویہ ہے، ایرانی وزیر خارجہ

تہران: ایرانی وزیر خارجہ حسین امیر عبداللہ جان نے کہا ہے کہ اسلامی جمہوریہ ایران نے پابندیوں کو منسوخ کرنے کے لیے ہونے والے مذاکرات کے حوالے سے اپنے تعمیری موقف میں کوئی تبدیلی نہیں کی ہے۔ عمانی وزیر خارجہ بدر البو سعیدی کے ساتھ اپنی ٹیلی فون پر بات چیت کے بعد انہوں نے کہا کہ مذاکرات میں اس بات پر زور دیا گیا کہ اسلامی جمہوریہ ایران نے بار بار اس بات کا مظاہرہ کیا ہے کہ اس کے پاس ایک اچھے، ٹھوس اور پائیدار معاہدے کے حتمی مرحلے کی طرف بڑھنے کے لیے ضروری قوت ارادی اور نیک نیتی موجود ہے۔ انہوں نے اپنے عمانی ہم منصب پر واضح کر دیا ہے کہ ایران نے مذاکرات کے تمام فریقوں کے ساتھ مل کر حالیہ مہینوں میں کسی معاہدے تک پہنچنے کے لیے مسلسل کوششیں کی ہیں۔ انہوں نے مزید کہا کہ تہران پابندیوں کے خاتمے کے تناظر میں ہمیشہ بات چیت اور پیغامات کے تبادلے کے لیے پرعزم رہا ہے، لیکن موجودہ حالات میں معاہدے کے حصول میں رکاوٹ جو واحد رکاوٹ ہے وہ واشنگٹن کی حقیقت پسندی اور ضروری ارادے کی کمی ہے۔