طالبان ہزارہ برادری کا منظم قتل عام کررہے ہیں، ایمنسٹی انٹرنیشنل

نیویارک : انسانی حقوق کی تنظیم ایمنسٹی انٹرنیشنل نے الزام عائد کیا ہے کہ طالبان نے افغانستان کی ہزارہ برادری کے 6 افراد کو منظم طریقے سے قتل کیا ہے۔ صوبہ غور میں طالبان نے ایک ہی خاندان کے 6 افراد کو قتل کر دیا۔ جاں بحق ہونے والوں میں 12 سال کی ایک لڑکی بھی شامل ہے۔ ایمنسٹی کے مطابق طالبان منظم طریقے سے ہزارہ برادری کے لوگوں کو ایذائیں دیتے ہیں اور ان کو قتل کر دیتے ہیں۔ایمنسٹی انٹرنیشنل کے سیکریٹری جنرل نے طالبان سے مطالبہ کیا ہے کہ وہ فوری اپنی اس طرح کی کارروائی روکے، یہ ان کی ذمہ داری ہے کہ وہ افغانستان کے سبھی افراد کو سیکیورٹی فراہم کریں۔