سکھ رہنما کا قتل، کینیڈا کا شواہد عام کرنے سے انکار

اوٹاوا: کینیڈا کے وزیرِاعظم جسٹن ٹروڈو نے کینیڈین شہری ہردیپ سنگھ نجر کے قتل میں ہندوستان کے ملوث ہونے سے متعلق شواہد عام کرنے سے انکار کر دیا ہے۔ جسٹن ٹروڈو نے ایک مرتبہ پھر ہندوستان پر کینیڈین شہری ہردیپ سنگھ نجر کے قتل کا الزام عائد کردیا اور کہا کہ ہندوستان کے ساتھ کئی ہفتوں پہلے معتبر شواہد اور معلومات کا تبادلہ کیا تھا۔ انہوں نے کہا کہ ہم ہندوستان کے ساتھ تعمیری کام کرنے کے لئے موجود ہیں۔ ہم امید کرتے ہیں کہ وہ ہمارے ساتھ مشغول ہوں گے تاکہ ہم اس سنگین معاملے کی تہہ تک پہنچ سکیں۔ ان کا کہنا تھا کہ ہندوستان تحقیقات میں تعاون کرے۔ قانونی کی بالا دستی اور اپنے شہریوں کے تحفظ پر ہمارا وقف واضح ہے۔ ادھر امریکی وزیرخارجہ انٹونی بلنکن نے ہندوستانی حکومت سے مطالبہ کیا ہے کہ وہ خالصتان تحریک کے رہنما ہردیپ سنگھ نجر کے قتل کی تحقیقات میں کینیڈا سے تعاون کرے۔ ہندوستان یقینی بنائے کہ واقعہ میں ملوث افراد کا احتساب کیا جائے۔ بلنکن کا کہنا تھا کہ وہ اس معاملے پر ہندوستان اور کینیڈا سے قریبی رابطے میں ہیں، یہ اہم ہے کہ تحقیقات مکمل ہوں اور ان کا نتیجہ نکلے۔