Raza Musani 
برسلز : یورپی پارلیمنٹ نے قطر میں ورلڈ کپ کی تیاریوں کے دوران ہلاک محنت کشوں کے لواحقین کو معاوضہ کا مطالبہ کردیا۔ یورپی یونین کی پارلیمنٹ نے قرارداد منظور کی ہے جس میں فیفا پرزور دیا گیا ہےکہ وہ لواحقین کے ساتھ ان محنت کشوں کو بھی معاوضہ دلائے جو قطر میں حقوق کی خلاف ورزیوں کا شکار ہوئے۔ رپورٹ ہے کہ ورلڈ کپ کی تیاریوں کے دوران قطر میں حفاظتی انتظامات نہ ہونے کی وجہ سے 6 ہزار مزدور ہلاک ہوئے۔ قرارداد میں قطری حکام پر بھی زور دیا گیا کہ وہ انسانی حقوق کی خلاف ورزیوں کی مکمل تحقیقات کریں۔ قرارداد میں ہم جنس پرست کمیونٹی کے ساتھ بدسلوکی کی بھی مذمت کی گئی اور ملک سے ہم جنس پرستی کو جرم قرار دینے کوختم کرنے کا مطالبہ کیاگیا۔
