Raza Musani 
دُبئی: بحرین میں نام نہاد الیکشن کے مخالف ہیکرز نے کئی سرکاری ویب سائٹس پر حملہ کیا اور انہیں ہیک کرلیا۔ وزارت داخلہ نے یہ نہیں بتایا کہ کونسی ویب سائٹس نشانہ بنیں لیکن سرکاری نیوز ایجنسی اور پارلیمنٹ کی ویب سائٹ تک رسائی ختم ہوگئی۔ الیکشن کمیشن کی ویب سائٹ بھی عوام کی پہنچ سے دور ہوگئی۔ ہیکرز نے ویب سائٹس پر الیکشن مخالف اور انتخابات کے بائیکاٹ کے نعروں پر مبنی پیغامات پوسٹ کردئے۔ ہیکر گروپ الطوفان کی جانب سے ذمہ داری قبول کرتے ہوئے کہا گیا ہے کہ یہ اقدام بحرینی حکام کے ظلم و ستم اور جعلی انتخابات کے بائیکاٹ کی عوامی خواہشات کو حکام تک پہنچانے کیلئے اٹھایا گیا۔ وزارت ِ داخلہ نے کہا کہ الیکشن میں خلل ڈالنے اور منفی پیغامات زیرگشت لانے کے لئے ویب سائٹس کو نشانہ بنایا گیا لیکن اس سے ہمارے شہریوں کے عزم و حوصلہ پر کوئی اثر نہیں پڑے گا۔
