پاپولزم اور انتہا پسندی سے ہر ایک کو خطرہ ہے، پاپائے روم

مناما : پاپائے روم پوپ فرانسس نے بحرین کے تاریخی دورہ میں فرمانروا شاہ حمد بن عیسیٰ خلیفہ سے ملاقات کی۔ امیر بحرین نے پوپ کے اعزاز میں استقبالیہ کا اہتمام کیا جس میں بین الاقوامی امن اور سلامتی کو برقرار رکھنے پر تبادلہ خیال کیا۔ پاپائے روم نے کہاکہ پاپولزم اور انتہا پسندی سے ہر ایک کو خطرہ ہے۔ہمیں تہذیبوں، مذاہب اور ثقافتوں کے درمیان تصادم کے خطرات کم کرنے اور امن کے قیام کے لیے مل کرکام کرنا چاہیے ۔ میں بحرین کی طرف سے منعقدہ بین الاقوامی کانفرنسوں اور ملاقات کے مواقع کو سراہتا ہوں۔ خاص طور پر باہمی احترام اور رواداری کے اصولوں کو سراہتا ہوں۔