ملک بھر کے کنٹونمنٹ بورڈز کے انتخابات کیلئے پولنگ

کراچی : ملک بھر کے کنٹونمنٹ بورڈز کے انتخابات کیلئے پولنگ جاری ہے، ووٹنگ شام 5 بجے تک بغیر کسی وقفے کے جاری رہے گی،21 لاکھ 97ہزار 741 ووٹرز حق رائے دہی استعمال کریں گے، ملک بھرمیں 1644 پولنگ اسٹیشنز قائم کئے گئے ہیں،206 وارڈز میں 1559 امیدوار امیدوار میدان میں ہیں،پی ٹی آئی کے 183، نون لیگ کے 144، پیپلزپارٹی کے 113 جماعت اسلامی کے 104اور 684 آزاد امیدوار شامل ہیں،7امیدوار بلامقابلہ منتخب ہوچکے ہیں، کامرہ کے 4، پنوعاقل اور راولپنڈی کے ایک ایک وارڈز میں الیکشن ملتوی کئے گئے ہیں، امن وامان یقینی بنانے کے لئے پولنگ اسٹیشنز پر پولیس ، رینجرز اور ایف سی تعینات ہے، حساس ترین پولنگ اسٹیزنوں کے اندر سی سی ٹی وی کیمرے بھی نصب کئے گئے ہیں۔