Raza Musani 
رام اللہ : فلسطینی وزیر اعظم محمد شتیہ نے امریکی انتظامیہ سے یروشلم میں نئے سفارت خانے کے کمپلیکس کی تعمیر کے منصوبے کو منسوخ کرنے کا مطالبہ کیا ہے۔ رام اللہ میں کابینہ کے ہفتہ وار اجلاس سے خطاب میں فلسطینی وزیر اعظم نے کہاکہ امریکا نے جس اراضی پر کمپلیکس تعمیر کرنے کا منصوبہ بنایا ہے وہ فلسطینیوں کی ملکیتی اراضی ہے جس پر اسرائیل نے 1950 کے پراپرٹی قانون کے تحت غاصبانہ قبضہ کررکھا ہے۔ انہوں نے جنرل اسمبلی کی کمیٹی کی جانب سے فلسطینی سرزمین پر قبضے سے متعلق بین الاقوامی عدالت انصاف سے قانونی مشاورتی رائے طلب کرنے کا خیر مقدم کیا۔
