Raza Musani 
اسلام آباد: نائب وزیراعظم اور وزیر خارجہ اسحاق ڈار نے کہا ہےکہ پاکستانی فوج حماس کو غیر مسلح کرنے یا حماس کی بنائی گئی سرنگیں ختم کرنے کیلئے غزہ نہیں جائے گی۔
اسلام آباد میں پریس کانفرنس کرتے ہوئے اسحاق ڈار نے کہا کہ پاکستانی اور بین الاقوامی میڈیا پر ساڑھے تین ہزار پاکستانی فوجی غزہ بھیجنے کی رپورٹس سامنے آئی ہیں تاہم اس حوالے سے تاحال کوئی حتمی فیصلہ نہیں کیا گیا۔ انہوں نے کہا کہ پاکستان قیام امن کے لیے واضح مینڈیٹ کی صورت میں ہی غزہ جا سکتا ہے اوراقوامِ متحدہ کی زیرنگرانی امن مشن، سماجی معاونت اور انسانی ہمدردی کی بنیاد پر خدمات انجام دے سکتا ہے۔ کسی قسم کی جنگی کارروائی میں حصہ نہیں لے سکتا۔ پاکستان کسی مسلمان کو دوسرے مسلمان سے لڑانے والی کسی بھی کوشش کا حصہ نہیں بنے گا۔
