Raza Musani 
اسلام آباد: پاکستان نے ایران اسرائیل جنگ بندی کا خیر مقدم کیا ہے۔ نائب وزیراعظم اور وزیرخارجہ اسحاق ڈار نے جنگ بندی پر اظہار مسرت کرتے ہوئے لکھا کہ ایران اور اسرائیل میں جنگ بندی کےلیے کردار ادا کرنے والے قابل تعریف ہیں۔ انہوں نے امید ظاہر کی کہ یہ مثبت قدم خطے میں طویل اور دیرپا امن اور استحکام کا باعث بنے گا۔ اسحاق ڈار نے واضح کردیا کہ پاکستان اقوام متحدہ کی قراردادوں اور عالمی قوانین کے مطابق تمام تنازعات کے حل پر یقین رکھتاہے۔ اسحاق ڈار نے خودمختاری اور علاقائی سالمیت کا احترام ناگزیر قرار دیا۔
