ناروے : تیر کمان سے مسلح شخص نے تیر برسادئے 5 افراد قتل، دو زخمی

اوسلو : ناروے میں تیر کمان سے مسلح شخص نے تیر مار کر 5 افراد کو قتل اور دو زخمی کردیا واقعہ دارالحکومت اوسلو سے 64 کلومیٹر دور کونگزبرگ ٹاؤن میں مقامی وقت کے مطابق شام ساڑھے چھ بجے کے قریب پیش آیا۔ حملہ آورکو گرفتار کرلیا گیا ہے ،پولیس چیف کا کہنا ہے کہ بظاہر یہی لگتا ہے کہ اس نے اکیلے ہی یہ کارروائی کی ملزم نے ایک سپر مارکیٹ میں کھڑے ہو کر لوگوں پر تیر برسانا شروع کیے۔امدادی اداروں کی درجنوں گاڑیاں موقع پر پہنچیں اور زخمیوں کو اسپتال منتقل کیا مقامی میڈیا کے مطابق ملزم کی شناخت رینر ونکلارسن کے نام سے ہوئی ہے جس نے اپنے یوٹیوب چینل پر کچھ دن پہلے ہی حملہ کرنے کا اعلان کیا تھا۔