شمالی کوریا کا ایٹمی طاقت بننے اور دفاع میں جوہری بم استعمال کرنے کا اعلان

پیانگ یانگ : شمالی کوریا نے نیا قانون منظور کیا ہے جس کے مطابق شمالی کوریا نے خود کو ایک ایٹمی ملک قرار دیتے ہوئے کہا کہ وہ اپنے دفاع میں کسی بھی ملک کی طرف سے لاحق خطرات کا مقابلہ کرنے کے لئے ایٹمی حملہ کر سکتا ہے۔ نئے قانون کے مطابق شمالی کوریا نے خود کو ایک ایٹمی ملک قرار دیتے ہوئے کہا کہ وہ اپنے دفاع کے لئے کسی بھی ملک کی طرف سے لاحق خطرات کے مقابلے میں ایٹمی حملہ کر سکتا ہے۔ پیپلز اسمبلی سے پاس کئے گئے بل کے ذریعے ملک کو جوہری ہتھیاروں کا مالک ایک ملک قرار دیا گیا۔ نئے منظور شدہ قانون کے مطابق اگر ملکی نیوکلیئر فورس کا کمانڈ اینڈ کنٹرول سسٹم کسی دشمن ملک کے حملے سے خطرے میں ہو تو اس ملک پر آٹومیٹک طور پر ایٹمی حملہ کر دیا جائے گا۔کم جونگ ان نے اس قانون کے بارے میں کہا کہ اس سے ملک نیوکلئیر ریاست بن گیا ہے اور اسے رول بیک نہیں کیا جا سکتا، اس قانون سے ہمارے ایٹمی اثاثوں پر کوئی سمجھوتہ نہیں ہو پائے گا، یہ قانون اٹیمی ہتھیاروں کو ختم کرنے کے مذاکرات کا راستہ بند کردے گا۔