سینکڑوں فلسطینیوں کے قاتل نتن یاہو کی 14 ماہ بعد اقتدار میں واپسی

یروشلم : اسرائیل کے سابق انتہا پسند وزیراعظم بنیامین نیتن یاہو ایک بار پھر اقتدار میں واپس آگئے۔ حتمی انتخابی نتائج کے مطابق نیتن یاہو کی لیکوڈ پارٹی اور انتہائی دائیں بازو اور مذہبی انتہاپسندوں کے اتحادیوں نے پارلیمنٹ کی 120 میں سے 64 نشستیں حاصل کیں۔ یہ سابق وزیر اعظم کی ڈرامائی واپسی کی علامت جنہیں 14 ماہ قبل ان کے مخالفین نے معزول کر دیا تھا۔ نیتن یاہو کی لیکوڈ پارٹی نے 32 ۔ وزیراعظم یائرلیپڈ کے سینٹرسٹ یش آتید پارٹی 24، قوم پرست مذہبی صیہونی اتحاد 14؛ اور وزیر دفاع بینی گینٹز کی نیشنل یونٹی پارٹی 12 نشستوں پر کامیاب ہوئی۔ اس بار سخت گیر دائیں بازو کی یہودی جماعت حداش جبہ کے بھی 4 ارکان منتخب ہوکر اسمبلی میں پہنچ گئے۔ اسرائیلی وزیراعظم یائر لیپڈ نے الیکشن میں شکست تسلیم کرتے ہوئے نیتن یاہو کو جیت پر مبارکباد دی ہے۔ اسرائیل میں ساڑھے تین سال میں پانچویں بار الیکشن ہوئے۔ خیال ظاہر کیا جا رہا ہے کہ کرپشن الزامات کے باعث سیاسی اتحاد نیتن یاہو کے بجائے یہودی آبادکاری کے شدید حامی، سخت گیر اور فلسطینیوں کے سخت مخالف یہودی رہنما 46 سالہ إيتمار بن غفير کو موقع دیا جائے۔