اسرائیلی حملوں میں 50 سے زائد فلسطینی شہید، درجنوں زخمی

غزہ : غزہ پر صیہونی جنگی طیاروں کے حملوں میں پچاس سے زائد فلسطینی شہید اور درجنوں زخمی ہوگئے۔ غزہ پر صیہونی فوج کے وحشیانہ حملے 45 ویں روز بھی جاری ہیں۔ جنگی طیاروں نے دیرالبلاح۔ الحماد اور خان یونس سمیت دوسرے علاقوں میں عماعتوں کو نشانہ بنایا۔ سب سے زیادہ شہادتیں دیر البلاح میں ہوئیں جہاں 24 افراد جان سے گئے۔ الحماد میں رہائشی اپارٹمنٹ پر حملے میں بھی پندرہ فلسطینی شہید اور پچیس زخمی ہوگئے۔ نصیرات کیمپ پر حملے میں دو فلسطینی شہید اور دیگر درجنوں لاپتہ ہوگئے۔ اسرائیلی حملوں میں شہید فلسطینیوں کی تعداد 14 ہزار 128 سے زائد ہو چکی ہے جبکہ زخمیوں کی تعداد بھی 33 ہزار سے تجاوز کر چکی ہے۔