فرانس میں اسلاموفوبیا، مساجد بند کرنے کا مطالبہ

پیرس : فرانس میں دائیں بازو کی بدنام زمانہ اسلاموفوبیا سیاست داں میرین لیپین نے کہا ہے کہ فرانس میں مزید مساجد میں تالا ڈال دیا جانا چاہئے۔ فرانسیسی نشریاتی ادارے بی ایف ایم ٹی وی کو دئے گئے انٹرویو میں سابق صدارتی امیدوار میرین لی پین نے وزیرداخلہ جیرالڈ ڈرمانن سے مزید مساجد بند کرنے، اور بنیاد پرستی کی باتیں کرنے والے مسلمانوں کو ملک بدرکرنے کا مطالبہ کیا ہے۔ انہوں نے کہا کہ ڈرمانن کسی ایک مسجد کو بند اور مبلغ کو برطرف کررہے ہیں انہیں فرانس کی سرزمین پر تمام مساجد بند کردینا چاہئیے۔ انہوں نے کہا کہ مساجد اور ملک بدری اپنے اسلام پسندی کے معیار کی بنیاد پر کی جانی چاہیے اور یہ کہ فرانس کو اسلام کے خلاف بے رحم لڑائی لڑنی چاہیے۔واضح رہے فرانس میں گزشتہ دو سالوں کے دوران چوبیس مساجد بند کی جاچکی ہیں جن میں گزشتہ ہفتے علیحدگی پسندی کا الزام لگا کر بند کی گئی اوبرنائی مسجد بھی شامل ہے۔