عراق: نینوا میں شادی کی تقریب میں آتشزدگی، 113 افراد جاں بحق، 150 زخمی

نینوا: عراق میں شادی کی تقریب میں آگ لگنے سے 113 افراد جاں بحق اور 150 زخمی ہو گئے۔ آگ لگنے کا واقعہ عراق کے شمالی صوبہ نینویٰ کے ضلع الحمدانیہ میں گذشتہ رات پیش آیا۔ مقامی شہری دفاع کا کہنا ہے کہ تقریب میں جشن کے دوران ہونے والی آتش بازی سے ا یونٹ ہال میں آگ بھڑک اُٹھی۔ کنسرٹ ہال میں الارم اور فائر فائٹنگ سسٹم کے لیے حفاظتی تقاضوں کا فقدان تھا۔ عینی شاہد نے بتایا کہ ہم نے آگ کو ہال سے باہر پھیلتے دیکھا۔ جو باہر نکل سکتے تھے وہ نکل گئے جو نہیں نکل سکے وہ پھنس گئے۔سرکاری میڈیا کا کہنا ہے کہ عمارت تیزی سے آگ پکڑنے والے کم لاگت تعمیراتی مواد سے بنی تھی جس کی وجہ سے فوراً ہی ملبے کا ڈھیر بن گئی مرنیوالوں میں دُلہا اور دُلہن بھی شامل ہیں۔ نینویٰ کے نائب گورنر حسن العلق نے رائٹرز کو بتایا کہ اب تک 113 افراد کی ہلاکت کی تصدیق ہو چکی ہے۔ عراقی وزیر اعظم محمد شیاع السودانی نے وزارت داخلہ اور وزارت صحت کو ہدایت کی ہے کہ وہ آگ سے متاثرہ افراد کو امداد فراہم کرنے کے لیے چوکس رہیں۔