Raza Musani 
واشنگٹن : امریکی اخبار واشنگٹن پوسٹ نے بھی ایرانی ایٹمی تنصیبات کے مکمل تباہ نہ ہونے کی تصدیق کردی۔ واشنگٹن پوسٹ نے امریکی انٹیلی جنس حکام اور سینیئر ایرانی حکام کے درمیان گفتگو کو ریکارڈ کرنے کے بعد دعویٰ کیا ہے کہ ایران اور اسرائیل کے درمیان جاری جنگ کے دوران امریکی حملوں سے ایران کی جوہری تنصیبات کو خاطر خواہ نقصان نہیں پہنچا۔
امریکی اخبار کا کہنا تھا کہ امریکی انٹیلی جنس حکام اور سینیئر ایرانی حکام کے درمیان ہونے والی گفتگو کے مطابق امریکی حملوں نے ایرانی جوہری پروگرام کو صرف کچھ مہینوں تک پیچھے کیا ہے۔
ترجمان وائٹ ہاؤس نے واشنگٹن پوسٹ کی رپورٹ کو مسترد کرتے ہوئے کہا کہ نامعلوم ایرانی حکام جانتے ہیں کہ جوہری تنصیبات کو کتنا نقصان پہنچا ہے.
