Raza Musani 
تہران: ایران نے اعلان کیا ہے کہ وہ اب عالمی ایٹمی توانائی ایجنسی کےسربراہ رافیل گروسی کو اپنے جوہری مراکز پر جانے یا وہاں نگرانی کے کیمروں کی تنصیب کی اجازت نہیں دے گا۔ ایرانی پارلیمنٹ کے نائب اسپیکر حمید رضا حاجی بابائی نے کہا ہےکہ ایران کا یہ فیصلہ اسرائیلی حکومت سے حاصل شدہ دستاویزات میں حساس معلومات کےانکشاف کی وجہ سےکیا گیا ہے۔
انہوں نے آیت اللہ بہشتی اور دیگر عدالتی حکام کی شہادت کے سلسلے میں منعقدہ تقریب میں کہا کہ حالیہ 12 روزہ جنگ، امریکہ کی ایرانی قوم کے خلاف 47 سالہ دشمنی کا تسلسل ہے۔ اس دشمنی کا اصلی سبب ایران کا میزائل یا جوہری پروگرام نہیں بلکہ ایران کے عوام ہیں۔ انہوں نے مزید کہا کہ امریکہ ایک 9 کروڑ کی آبادی اور 7000 سالہ تہذیب کے حامل ملک سے خوفزدہ ہے جو خطے میں امریکی بالادستی کو قبول نہیں کرے گا۔
