Raza Musani 
تہران : اسلامی جمہوریہ ایران کے صوبے خوزستان میں دہشت گردی کے واقعہ میں 6 افراد جاں بحق اور 10 زخمی ہوگئے۔ واقعہ خوزستان کے شہر ایذہ کے پرہجوم مرکزی بازار میں پیش آیا جہاں دو موٹر سائیکل سواروں نے سیکیورٹی اہلکاروں اور شہریوں پر گولیاں برسادیں فائرنگ سے پاسدارن انقلاب کے دواہلکار اور خاتون اور بچہ سمیت 6 افراد شہید اور 10زخمی ہوئے۔ جنہیں اہواز کاؤنٹی کے اسپتال منتقل کر دیا گیا ہے۔ واقعہ کے بعد فرسز نے فوری کارروائی کرتے ہوئے تین افراد کو گرفتار کر لیا۔ جسٹس ایڈمنسٹریشن ڈیپارٹمنٹ کے ڈائریکٹر جنرل علی دہقانی نے بتایا کہ گرفتار افراد کی نشاندہی پر ان کے سر پرستوں اور سہولت کاروں کی گرفتاری کی کوششیں کی جارہی ہیں۔
