Raza Musani 
تہران : ایران نے سعودی انٹرنیشنل نیٹ ورک سے جڑی خاتون دہشت گرد الہام افکاری کو گرفتار کرلیا افکاری کو انٹیلی جنس اہلکاروں نے اس وقت حراست میں لیا جب وہ پڑوسی ملک کا دورہ کرنے کے بہانے فرار ہورہی تھی. اس نے وہاں ایک دشمن ملک کے نمائندے سے ملاقات کرنے اور پھر کسی تیسرے ملک میں پناہ لینے کا منصوبہ بنایا تھا گرفتاری کے وقت اس کے پاس سے بڑی مقدار میں غیر ملکی کرنسی بھی بر آمد ہوئی۔وزارت انٹیلی جنس کے جوان کافی عرصے سے الہام افکاری کی سرگرمیوں پر نظر رکھے ہوئے تھے،الہام افکاری سعودی انٹرنیشنل نیٹ ورک کی دہشت گرد تنظیم کے کارندوں میں سے ایک ہے اور اس نے حالیہ ہفتوں میں اسلامی جمہوریہ ایران کے مقدس نظام کو بدنام کرنے کے بہت سے اقدامات انجام دیئے اور بلووں اور فسادات میں نوجوانوں اور لڑکیوں کو شرکت کرنے پر اکسایا اور ایرانی عوام میں انتشار پھیلانے کی کوشش کے ذریعے لوگوں میں دہشت پیدا کرنے کیلئے بھرپور کارروائیاں کیں۔
