Raza Musani 
تہران: ایران نے پابندیاں اٹھانے کے بدلے افزودگی پر سخت نگرانی سمیت ایک حقیقی معاہدے پر آمادگی ظاہر کردی۔ برطانوی اخبار گارڈین سے انٹرویو میں ایرانی وزیر خارجہ عباس عراقچی نے کہا کہ تہران ایک حقیقی اور قابلِ عمل معاہدے کے لیے تیار ہے جس میں یورینیم کی افزودگی پر نگرانی اور سخت پابندیاں شامل ہوں۔ بشرطیکہ ملک پر عائد پابندیاں ختم کر دی جائیں۔ انہوں نے کہا کہ ایران سفارت کاری کے دروازے کھلے رکھنے کا خواہاں ہے۔ اگر اس موقع سے فائدہ نہ اٹھایا گیا تو اس کے تباہ کن نتائج خطے اور اس سے آگے ایک بالکل نئے درجے پر ظاہر ہو سکتے ہیں۔ ایرانی وزیر خارجہ نے کہاکہ تہران پرانی شرائط کے تحت مذاکرات کی میز پر واپس نہیں آئے گا بلکہ موجودہ حالات کے مطابق ایک نیا دائرہ عمل طے کرنا ضروری ہو گا۔
