Raza Musani 
تہران : ایران نے دیسی ساختہ ہائپرسونک بیلسٹک میزائل تیار کرلیا جو ہر قسم کے میزائل ڈیفنس سسٹم سے گزر کر اہداف کو نشانہ بناسکتا ہے۔ سپاہ پاسداران انقلاب اسلامی کے کمانڈر بریگیڈیئر جنرل امیر علی حاجی زادہ نے بتایا کہ میزائل کی رفتار بہت زیادہ ہے اور یہ زمین اور فضا دونوں جگہ ماحول میں کارکردگی دکھا سکتا ہے۔ انہوں نے کہاکہ یہ میزائل جدید ترین فضائی دفاعی سسٹم اور مقررہ اہداف کو نشانہ بنانے کی صلاحیت رکھتا ہے۔ اور ہرقسم کے دفاعی سسٹم سے گذر سکتا ہے مجھے نہیں لگتا کہ آنے والی دہائیوں میں اس کا مقابلہ کرنے کی صلاحیت حاصل کی جائے گی اس کی پیداوار میزائلوں کی نئی نسل کی ترقی میں ایک بہت بڑی کامیابی ہے۔
