بیرون ملک گرفتار 90 فیصد بھکاری پاکستانی ہوتے ہیں، سینیٹ کمیٹی میں انکشاف

اسلام آباد : پاکستانی سینیٹ کی قائمہ کمیٹی میں انکشاف ہوا ہے کہ بیرون ملک گرفتار 90 فیصد بھکاریوں کا تعلق پاکستان سے ہوتا ہے۔ قائمہ کمیٹی کے اجلاس میں سیکریٹری اوور سیز ذوالفقار حیدر نے بتایا کہ زیادہ تر بھکاری عمرہ ویزا پر جاتے ہیں۔ یہاں سے جہاز بھر بھر کر بھکاری بیرون ملک جا رہے ہیں اور زیارات کے مقامات پر بھیک مانگتے ہیں۔ اسی وجہ سے ہزاروں بھکاریوں کو ڈی پورٹ بھی کیا گیا۔ انہوں نے بتایا کہ اسلام آباد میں مقیم سفیر کہتے ہیں کہ آپ عادی مجرم ہمارے پاس بھیجتے ہیں جس سے ہماری جیلیں بھر گئی ہیں۔ یہ ٹریفکنگ کا مسئلہ ہے۔ بھکاریوں سے عراق اور سعودی عرب عاجز آگئے ہیں۔حرم سے پکڑے گئے جیب کتروں کی اکثریت بھی پاکستانیوں کی ہے۔