بھارت کی اضافی کینیڈین سفارتکاروں میں کمی کیلئے بات چیت کی تصدیق

دہلی: ہندوستان نے اضافی کینیڈین سفارتکاروں میں کمی کیلئے بات چیت کی تصدیق کردی۔ وزارت خارجہ کے ترجمان ارندام باغچی نے ہفتہ وار نیوز بریفنگ میں کہاکہ کینیڈین سفارت کاروں کی ہندوستان میں موجودگی زیادہ ہے۔ جو ہمارے اندرونی معاملات میں مداخلت ہے اس میں کمی چاہتے ہیں، اس سلسلے میں بات چیت جاری ہے۔ انہوں نے کہاکہ اپنی متعلقہ سفارتی موجودگی میں برابری کی کوشش کر رہے ہیں۔برطانوی اخبار نے گذشتہ دنوں کینیڈین سفارت کاروں کی تعداد کم کرنے کے بھارتی مطالبے کی خبر دی تھی۔ خالصتانی رہنما ہردیپ سنگھ نجار کے قتل کے بعد کینیڈا اور ہندوستان میں سفارتی کشیدگی انتہا کو پہنچی ہوئی ہے۔