Raza Musani 
کراچی: ہندوستان نے پاکستان میں کراچی اور لاہور سمیت مختلف شہروں میں ڈرونز سے حملہ کیا ہے۔ حملے میں ایک شہری شہید اور پانچ زخمی ہوگئے۔ کراچی کے علاقے ملیر شرافی گوٹھ اور گلشن حدید میں 2 ڈرون گرائےگئے۔
لاہور کے مختلف علاقوں میں پانچ ڈرونز گرائے گئے۔ راولپنڈی۔ گوجرانوالہ۔ شیخوپورہ۔ چکوال۔ بہاولپور۔ اٹک۔ گھوٹکی۔ عمر کوٹ سمیت کئی شہروں میں ڈرونز دندناتے رہے۔
پاک فوج نے مختلف شہروں میں اسرائیلی ساختہ پچیس ڈرونز گرائے۔ حملوں میں ایک شہری شہید اور پانچ زخمی ہوئے۔
پاکستان اور ہندوستان کے درمیان حالیہ جھڑپوں کے بعد صورتحال انتہائی کشیدہ ہے۔ ہندوستان نے اٹھارہ جبکہ پاکستان نے سات ایئرپورٹس بند کردئے ہیں۔ سرحدی دیہات سے لوگوں کو منتقل کیا جارہاہے۔ مشرقی پنجاب کے سرحدی اضلاع فیروز پور اور پٹھان کوٹ میں پرائیویٹ اور سرکاری اسکول بند کر دیے گئے ہیں۔
