Raza Musani 
غزہ : غزہ کا محاصرہ توڑنے کیلئے بارسلونا سے روانہ ہونے والا صمود فلوٹیلا تیونس پہنچ گیا۔ جہاں سینکڑوں افراد استقبال کیلئے بندرگاہ پر امڈ آئے۔ استقبالی ہجوم سے خطاب میں ماحولیاتی کارکن گریٹا تھنبرگ نے کہا کہ پانی کے اس پار کچھ ہی فاصلے پر ایک نسل کشی ہو رہی ہے، اسرائیل کے قتل و غارت سے وسیع پیمانے پر فاقہ کشی جاری ہے۔استقبالی ہجوم میں شامل یورپی پارلیمنٹ کی رکن ریما حسن سیدی بو سعید نے کہا کہ فلسطینی مقصد آج حکومتوں کے ہاتھ میں نہیں ہے۔ یہ ہر جگہ کے لوگوں کے دلوں میں ہے۔ انہوں نے اس کردار کی تعریف کی جو فلسطینی عوام کے ساتھ کسی بھی طرح کی یکجہتی کو روکنے والی ریاستوں کی بزدلی کے سامنے آج لوگوں نے ادا کیا ہے۔
فلوٹیلا بدھ کو تیونس سے غزہ کی جانب روانہ ہوگا تیونس سے کشتیوں پر سوار ہونے کے لیے مختلف ممالک کے ایک سو تیس سے زائد افراد نے رجسٹریشن کروائی ہے۔
