غزہ کی پٹی بریکنگ پوائنٹ پر پہنچ چکی ہے، ڈبلیو ایف پی

جنیوا : اقوام متحدہ کے عالمی غذائی پروگرام (ڈبلیو ایف پی) نے کہا ہے کہ غزہ بریکنگ پوائنٹ پر پہنچ چکا ہے۔ محصور علاقے میں داخل ہونیوالی امداد انتہائی ناکافی ہے۔
ڈبلیو ایف پی کی ایگزیکٹو ڈائریکٹر سنڈی میک کین نے کہا کہ انہوں نے غزہ کے اپنے دورے میں خود ہی بے پناہ تباہی اور گہری مایوسی کا مشاہدہ کیا ہے۔ سب سے زیادہ کمزور خاندانوں تک پہنچنے کے لیے محفوظ اور بلا روک ٹوک انسانی رسائی اس وقت اولین ترجیح ہے۔ انہوں نے کہا کہ دو سال سے جاری تنازع نے خاندانوں کو کئی بار بےگھر کیا۔ محصور علاقے میں بقا کے لیے بنیادی باتوں کا فقدان ہے۔ انہوں نے کہا کہ موجودہ صورتحال نے میرے موقف کو ثابت کیا کہ ہمیں اندر تک رسائی حاصل ہونی چاہیے تاکہ ہم اس بات کو یقینی بنا سکیں کہ لوگ مسلسل اپنی ضروریات پوری کر سکیں۔
انہوں نے کہا کہ ہم غزہ کے اندر سب سے زیادہ کمزور لوگوں تک پہنچنے کے لیے انسانی امداد کو تیزی سے بڑھا سکتے ہیں، تمام یرغمالیوں کی واپسی کی حمایت کر سکتے ہیں، اور امن و استحکام کی بنیاد رکھ سکتے ہیں.