غزہ میں اگلے ہفتے تک جنگ بندی ہوجائے گی، امریکی صدر

واشنگٹن : امریکی صدر ڈونلڈ ٹرمپ نے دعویٰ کیا ہے کہ غزہ میں اگلے ہفتے تک جنگ بندی ہوجائے گی ہم جنگ بندی معاہدے کے بہت قریب ہیں۔ صحافیوں سے بات کرتے ہوئے امریکی صدر ٹرمپ نے کہا کہ ان کی جنگ بندی کی کوشش میں شامل کچھ لوگوں سے بات ہوئی ہے جس کے بعد وہ انتہائی پرامید ہیں۔ لگتا ہے کہ ثالثی میں مصروف افراد معاہدے کے قریب ہے۔ ٹرمپ نے یہ ظاہر کیے بغیر کہ وہ کس کے ساتھ رابطے میں تھے کہا کہ اگلے ہفتے کے اندر ہم جنگ بندی کرنے جا رہے ہیں۔
امریکی صدر نے اپنے سوشل پلیٹ فارم پر ولی امر مسلمین آیت اللہ خامنہ ای کیخلاف توہین آمیز الفاظ استعمال کرتے ہوئے دعویٰ کیا کہ انہوں نے آیت اللہ خامنہ ای کو بہت بری موت سے بچایا۔ ان کا جنگ میں فتح کا دعویٰ احمقانہ ہے۔