Raza Musani 
غزہ: اسرائیلی فوج کے غزہ پر حملوں میں چوبیس گھنٹوں کے دوران 32 فلسطینی شہید اور کئی زخمی ہوگئے۔ رفح میں اسرائیلی فوج کے حملوں میں کئی عمارتیں گر گئی ہیں۔ گنجان آباد علاقوں اور خیمہ بستیوں کو اسرائیلی فوج نشانہ بنارہی ہے۔ کئی مقامات پر اسرائیلی حملوں میں عورتوں اور بچوں سمیت درجنوں فلسطینی شہید ہوئے ہیں۔ خان یونس میں اسرائیلی بحریہ کی فائرنگ سے دو مچھیرے شہید ہوگئے۔ اسرائیلی فوج کو زمینی جنگ میں القسام اور القدس بریگیڈ کی جانب سے شدید مزاحمت کا سامنا ہے ۔فلسطینی وزارت صحت کے مطابق علاقے میں حماس اور اسرائیلی فوج میں گھمسان کی جنگ جاری ہے۔کئی مقامات پر اسرائیلی فوج کو بھاری جانی نقصان اٹھانا پڑا ہے۔ رفح میں اسرائیلی فوج کی زمینی کارروائیوں میں مدد کے لیے فضائی حملے کیے جارہے ہیں۔
