Raza Musani 
پیرس: فرانس کی اعلیٰ انتظامی عدالت نے حکومت کی جانب سے اسکولوں میں عبایا پر پابندی کو جائز قرار دے دیا۔ فرانس کی اسٹیٹ کونسل نےمسلمانوں کی نمائندہ تنظیم ایکشن فاررائٹس آف مسلمز کی عبایا پر پابندی کیخلاف حکم امتناع کی درخواست مسترد کردی۔ درخواست میں کہا گیا تھا کہ عبایا پر پابندی امتیازی سلوک ہے۔ فیصلہ مسلمانوں کے خلاف نفرت کو ہوا دے گا۔ عدالت نے فیصلہ دیا کہ عبایا پر پابندی قانونی ہے۔ مسلمانوں کے خلاف امتیازی سلوک نہیں ہے۔ ادھر پیرس کے مضافاتی علاقے سین سینٹ ڈینس کے ایک ہائی اسکول میں اساتذہ اور طلباء نے عبایا پرپابندی کے خلاف ہڑتال کردی ہے۔ احتجاجی گروپ کا کہنا ہے کہ ہم حکومت کی اسلامو فوبک پالیسی سے خود کو دور رکھنا چاہتے ہیں۔ ہمیں لباس سے متعلق پولسنگ کی ضرورت نہیں ہے۔
