Raza Musani 
پیرس: نائجر کے عوام کے شدید احتجاج کے بعد فرانس نے نائجر سے اپنے سفیر اور فوجیوں کو واپس بلانے کا اعلان کردیا۔ فرانسیسی صدر ایمانوئل میکرون نے کہا ہے کہ ان کا ملک جمہوری طور پر منتخب صدر محمد بازوم کا تختہ الٹنے پر نائجر سے اپنے سفیر اور فوجیوں کو واپس بلا لے گا۔ اگلے گھنٹوں میں ہمارے سفیر اور متعدد سفارت کار فرانس واپس آجائیں گے۔ فرانسیسی صدر نے کہا کہ نائجر سے فوجی تعاون ختم ہو چکا ہے اور وہاں تعینات 1500 فرانسیسی فوجی آنے والے مہینوں اور ہفتوں میں واپس آجائیں گے اور رواں سال کے آخر تک مکمل انخلاء ہوجائے گا۔ فوج اور عوامی مظاہروں کے دباؤ کے بعد فرانس نے انخلا کا فیصلہ کیا ہے۔
