Raza Musani 
دوحہ: قطر میں فٹبال ورلڈ کپ غیر مسلموں میں اسلام سے متعلق منفی تاثر زائل کرنے کا موقع بن گیا۔ قطر نے میگا ایونٹ کے دوران لاکھوں مہمانوں تک رسائی کا فائدہ اٹھاتے ہوئے تبلیغ اسلام کیلئے خاص اہتمام کیا ہے۔ دنیا بھر سے مختلف زبان بولنے والے درجنوں مبلغین کو قطر لایا گیا ہے۔ جو لوگوں کو اخلاقیات، خاندانی تعلقات کی اہمیت، پڑوسیوں اور غیر مسلموں کے احترام کے بارے میں بتاتے ہیں۔ مرکزی مسجد کے باہراسٹال پر عربی کافی اور کھجور کے ساتھ ساتھ مختلف زبانوں میں اسلام اور پیغمبر اسلام کے بارے میں کتابچے تقسیم کئے جاتے ہیں۔ شاپنگ سینٹرز اور دیگر مقامات پر کتابیں اور پمفلٹ تقسیم کئے جاتے ہیں۔ مہنگے کیفے اور ریستورانوں کی دیواروں کو اخلاق حسنہ کے اقتباسات سے مزین کیا گیا ہے۔ شاپنگ مالز میں اسلام کی ترویج کے اشتہارات لگائے گئے ہیں۔ بعض سوشل میڈیا پوسٹ میں لوگوں کی بڑی تعداد کے اسلام قبول کرنے کا دعویٰ کیا جارہا ہے لیکن آزاد ذرائع سے اس کی تصدیق نہیں ہوسکی۔
