Raza Musani 
پشاور : طالبان فورسز نے پاک افغان سرحد پر قائم چمن گیٹ کے قریب فائرنگ کردی جس سے دو افراد جاں بحق ہوگئے۔ پاک فوج کے ترجمان نے بتایا کہ افغان اہلکار نے پاکستان سے افغانستان جانے والے افراد پر بلااشتعال اور اندھا دھند فائرنگ کی۔ یہ واقعہ زیرو لائن پر واقع بیرونی گیٹ پر پیش آیا۔ فائرنگ کے نتیجے میں 12 سالہ لڑکے سمیت دو بے گناہ پاکستانی شہری جاں بحق اور ایک بچہ زخمی ہوگیا۔ ترجمان کے مطابق ایسے غیر ذمہ دارانہ اور لاپرواہی کے عمل کی وجوہات جاننے اور ذمہ دار کو پکڑ کر پاکستان کے حوالے کرنے کے لیے افغان حکام سے رابطہ کیا گیا ہے۔ بیان میں کہا گیا کہ عبوری افغان حکومت سے توقع ہے کہ وہ اپنے اہلکاروں پر کنٹرول کا مظاہرہ کرے گی اور مستقبل میں اس طرح کے واقعات سے بچنے اور ذمہ داری کے ساتھ کام کرنے کے لیے نظم و ضبط کا خیال رکھے۔
