Raza Musani 
تل ابیب: اسرائیل کے انسانی حقوق کے گروپ بیت سلام نے بین الاقوامی فوجداری عدالت سے فلسطینیوں کی بیدخلی روکنے کیلئے فوری مداخلت کی اپیل کردی۔ تنظیم نے کہا ہے کہ اسرائیل ہیبرون کے جنوب میں واقعہ مسافریتہ ٹاؤن سے ہزار فلسطینیوں کو بیدخل کرنے کا منصوبہ بنارہا ہے۔ تاکہ اس علاقے کو فائرنگ زون یا فوجی تربیت کا علاقہ بنایا جاسکے۔آٹھ دیہات جن میں چار اسکول، کلینک اور علاقے کے سینکڑوں دیگر ڈھانچے شامل ہیں مسمار کیے جانے کے لیے تیار ہیں۔ اسرائیل کئی دہائیوں سے ان کمیونٹیز کو باہر نکالنے کی کوشش کر رہا ہے، لیکن حال ہی میں اسرائیلی سپریم کورٹ کے فیصلے کے بعد ان اقدامات میں شدت آگئی ہے۔
