امریکا کے ساتھ براہ راست مذاکرات قبول نہیں، آیت اللہ خاتمی

تہران : امام جمعۂ تہران آیت اللہ سید احمد خاتمی نے امریکہ کے ساتھ براہ راست مذاکرات کو مسترد کرتے ہوئے کہا کہ ایرانی قوم مکتب عاشورا کی پیروکار ہے اور کبھی امریکہ کے سامنے سر نہیں جھکائے گی۔ نماز جمعہ کے اجتماع سے خطاب میں آیت اللہ سید احمد خاتمی نے امریکہ کے ساتھ جامع اور براہ راست مذاکرات کی تجویز پر کڑی تنقید کرتے ہوئے کہا کہ یہ تجویز ناقابل قبول ہے۔ انہوں نے یاد دلایا کہ امریکہ وہ ملک ہے جس نے جنرل قاسم سلیمانی کو شہید کیا، ایران پر حملے کیے، بین الاقوامی معاہدوں کی خلاف ورزیاں کیں اور ایران کے پرامن ایٹمی مراکز کو نشانہ بنایا۔ امام جمعۂ تہران نے کہا کہ رہبر معظم نے گذشتہ سال واضح کردیا تھا کہ امریکہ کے ساتھ مذاکرات نہ عقلمندی ہیں، نہ دانائی، نہ ہی شرافت کے مطابق۔ امریکیوں سے براہ راست مذاکرات دراصل ملت ایران کی شرافت کو نشانہ بنانے کے مترادف ہے۔ ایرانی قوم باوقار ہے اور ذلت پر مبنی کسی فارمولے کو قبول نہیں کرے گی۔