مقاومت سے ہتھیار واپس لینے کا فیصلہ سنگین غلطی ہے، حزب اللہ

بیروت : حزب اللہ کے سربراہ شیخ نعیم قاسم نے کہا ہے کہ اسرائیل کے حکم پر تحریک مقاومت سے ہتھیار واپس لینے کا فیصلہ سنگین غلطی ہے۔ لبنانی حکومت فوری طور پر اپنا فیصلہ واپس لے۔ اسرائیل کو توسیع پسندانہ منصوبوں سے روکنے کیلئے حزب اللہ کبھی بھی اپنے ہتھیار نہیں چھوڑے گی۔ انہوں نے کہا کہ اگر یہ حکومت اسی شکل میں چلتی رہی ہے تو وہ لبنان کی خودمختاری کی امانت دار نہیں ہو سکتی جب تک کہ وہ اپنا فیصلہ واپس نہ لے لے۔ انہوں نے کہا کہ حزب اللہ ایک مضبوط رکاوٹ کے طور پر برقرار رہے گی جو اسرائیل کو اس کے مقاصد کے حصول سے روکے گی اور اسرائیل لبنان میں نہیں رہ سکے گا۔ شیخ نعیم قاسم نے اس بات کا بھی اعادہ کیا کہ حزب اللہ اپنے ہتھیار نہیں چھوڑے گی۔