سائفر کیس، چیئرمین پی ٹی آئی کے جوڈیشل ریمانڈ میں 13 ستمبر تک توسیع

اسلام آباد: سابق وزیراعظم و چیئرمین پی ٹی آئی کو سائفر کیس میں ریلیف نہ مل سکا۔ 13 ستمبر تک جیل میں رہنا ہوگا۔ سابق وزیراعظم کے خلاف سائفر کیس کی سماعت اٹک جیل کے اندر ہی ہوئی۔ آفیشل سیکرٹ ایکٹ عدالت کے جج ابوالحسنات محمد ذوالقرنین نے سماعت کی۔ چیئرمین پی ٹی آئی کو حاضری کے لیے عدالت کے سامنے لایا گیا۔ عدالت نے حاضری لگانے کے بعد جوڈیشل ریمانڈ میں 14 روز کی توسیع کر دی۔ جوڈیشل ریمانڈ میں توسیع کے بعد چیئرمین پی ٹی آئی کے وکیل سلمان صفدر نے درخواستِ ضمانت دائر کردی ہے۔ گذشتہ روز اسلام آباد ہائی کورٹ نے توشہ خانہ کیس میں سابق وزیراعظم کی سزا معطل کرکے رہا کرنے کا حکم دیا تھا۔