چینی صدر اور نریندرمودی کا حریف نہیں شراکت دار بننے کا عزم

بیجنگ : شنگھائی تعاون تنظیم (ایس سی او) اجلاس کے موقع پر چینی صدر شی جنگ پنگ اور انڈین وزیراعظم نریندر مودی نے حریف نہیں شراکت دار بننے کا عہد کیا ہے۔ ایس سی او اجلاس سے قبل ملاقات میں چین اور انڈیا کے سربراہان نے کہا کہ سرحدی تنازع پر برسوں کی کشیدگی کے بعد اب ان کے درمیان اعتماد گہرا ہو رہا ہے ۔ چینی صدر نےکہا کہ دونوں ممالک کو اسٹریٹجک بلندی اور طویل المدتی نقطہ نظر سے اپنے تعلقات کو سنبھالنے کی ضرورت ہے۔ دونوں فریقوں کا دوست بننا صحیح انتخاب ہے۔نریندر مودی نے کہا کہ ان کا ملک باہمی احترام، اعتماد اور حساسیت کی بنیاد پر چین سے تعلقات کو آگے بڑھانے کے لیے پرعزم ہے۔
انہوں نے کہا کہ ہمارے تعاون سے دو ارب اسی کروڑ لوگ بھی جڑے ہوئے ہیں اور اس سے پوری انسانیت کی فلاح کی راہ ہموار ہوگی۔ انہوں نے سرحد پر امن، آپسی تعاون اور تعلقات کی مضبوطی پر زور دیا۔