آسٹریلیا: اسکول میں توہین رسالت، استاد نے کلاس میں گستاخانہ خاکے دکھائے

سڈنی: آسٹریلیا کے شہر میلبرن میں ایک ٹیچر نے کلاس روم میں گستاخانہ خاکے دکھا کر توہین رسالت کا ارتکاب کیا۔ استاد کے رسول اکرم (ص) کے خاکے دکھانے پر مسلم طلبہ نے شدید اعتراض کیا۔ اسکول کی طالبہ سارا عمار نے بتایا کہ میڈیا ٹیچر نے ایک کارٹون ٹیلی ویژن پر دکھائی اور کہا کہ یہ حضرت محمد صلی اللہ علیہ وسلم ہیں۔ جو لوگ ایسے خاکے بناتے ہیں مسلمان انھیں جان سے مار دیتے ہیں۔کلاس میں مجھ سمیت تمام طالب علم سکتے میں رہ گئے۔ سارا کے والد نے اسکول انتظامیہ سے استاد کو برطرف کر کے معافی مانگنے کا مطالبہ کیا ہے۔ انہوں نے کہا کہ ہم رسول اکرم صلی اللہ علیہ وآلہ وسلم کی اہانت کسی بھی طور پر برداشت نہیں کریں گے۔ وکٹورین ایجوکیشن ڈیپارٹمنٹ نے واقعہ کی تحققیات شروع کردی ہے۔