چترال میں چوکیوں پر حملہ، 4 فوجی شہید، جوابی کارروائی میں 12 دہشت گرد ہلاک

چترال: سرحدی علاقے چترال میں چوکیوں پر حملے میں چار فوجی شہید ہوگئے۔ جوابی کارروائی میں بارہ دہشت گرد مارے گئے۔ ترجمان پاک فوج کے مطابق پاک ا فغان سرحد کے قریب دہشت گردوں نے دو فوجی چوکیوں پر حملہ کیا۔ فوجیوں نے بھرپور کارروائی کرتے ہوئے حملہ ناکام بنادیا۔ کارروائی کے دوران چار فوجی جاں بحق ہوگئے۔ جوابی حملے میں بارہ حملہ آور مارے گئے۔ جبکہ فائرنگ کے تبادلے میں بڑی تعداد میں دہشت گرد زخمی ہوئے۔ ترجمان کے مطابق افغانستان کے نورستان اور کنڑ صوبوں کے گووردیش، پتیگال سمیت مختلف علاقوں میں دہشت گردوں کی نقل و حرکت سے پہلے ہی آگاہ کردیا گیا تھا۔ خطرے کے بڑھتے ہوئے ماحول کی وجہ سے پاکستانی پوسٹیں پہلے ہی ہائی الرٹ پر تھیں، بہادر فوجیوں نے بہادری سے مقابلہ کیا اور حملوں کو پسپا کرتے ہوئے دہشت گردوں کو بھاری جانی نقصان پہنچایا۔ پاک فوج کے ترجمان کے مطابق علاقے میں کلیئرنس آپریشن جاری ہے تاکہ علاقے میں موجود دیگر دہشت گردوں کو ختم کیا جا سکے۔