Raza Musani 
لندن : برطانیہ میں ہاؤس آف کامنز نے فلسطین کے حق میں مظاہرے کرنے کے جرم میں فلسطین ایکشن گروپ کو دہشتگرد تنظیم قرار دینے اور پابندی لگانے کی منظوری دے دی ہے۔ دہشت گردی ایکٹ 2000 میں ترمیم کے حق میں تین سو پچاسی ارکان نے ووٹ دیا جبکہ چھبیس ارکان نے مخالفت کی۔
ہوم سیکریٹری یوویٹ کوپر کے دستخط کے بعد قانون ہفتے کے آخر میں نافذ العمل ہوگا۔ قانون کے تحت فلسطین ایکشن کی حمایت اور رکنیت جرم ہوگی جس پر چودہ سال تک قید کی سزا دی جاسکے گی۔ حکم کو عارضی طور پر روکنے کی کوشش کے لیے قانونی کارروائی جاری ہے۔ جس کی سماعت کل لندن ہائی کورٹ میں ہونی ہے۔
ادھر ارکان پارلیمنٹ کی جانب سے ووٹنگ کے بعد ویسٹ منسٹر کے باہر فلسطین ایکشن کے زیر اہتمام احتجاجی مظاہرے میں چار افراد کو گرفتار کر لیا گیا.
