اسرائیل پر ڈرون اور میزائلوں کی بارش کریں گے، انصار اللہ

صنعا: انصار اللہ کے سربراہ عبدالملک بدرالدین الحوثی نے کہا ہے کہ ہمارے جوانوں نے صیہونی اہداف پر کئی حملے کئے ہیں۔ دشمن پر ڈرون اور میزائلوں کی بارش کریں گے۔ انہوں نے کہا کہ ہم بحیرۂ احمر اور آبنائے باب المندب میں اسرائیلی جہازوں کو نشانہ بنا سکتے ہیں۔ انہوں نے کہا کہ اسرائیل کے مختلف اہداف پر بیلسٹک میزائل حملوں کا ایک سلسلہ شروع کیا ہے جن میں ایلات میں اسرائیل کی حساس تنصیبات بھی شامل ہیں۔ انہوں نے کہا کہ بعض عرب فلسطینیوں کی مدد کرنے کے بجائے امریکہ اور اسرائیل کا ساتھ دے رہے ہیں۔ وہ چاہتے ہیں کہ غزہ پر حماس کا کنٹرول ختم ہوجائے۔ بعض عرب ممالک غزہ پر صیہونی حکومت اور بعض فلسطینی اتھارٹی کا کنٹرول چاہتے ہیں حالانکہ فلسطینی اتھارٹی غرب اردن کو سنبھالنے میں کامیاب نہیں ہوسکی ہے۔