ایران کی خلائی میدان میں ایک اور اہم کامیابی، سیٹلائٹ کیریر کا کامیاب تجربہ

تہران : ایران نے خلائی میدان میں ایک اور اہم کامیابی حاصل کرلی۔ سپاہ پاسداران انقلاب اسلامی کے ایرو اسپیس شعبے نے قائم 100 کے نام سے ٹھوس ایندھن سیٹلائٹ کیریئر کو کامیابی سے لانچ کردیا۔ قائم 100، اپنی نوعیت کا پہلا ایرانی سائنسدانوں کا تیار کردہ سیٹلائٹ کیریئر ہے جو 80 کلوگرام تک وزنی سیٹلائٹس کو زمین کی سطح سے 500 کلومیٹر دور مدار میں بھیجنے کی صلاحیت رکھتا ہے۔ یہ کیریئر بہت جلد ایران میں تیار شدہ ناہید سیٹلائٹ کو خلا میں لے جائے گا۔