علامہ شہنشاہ نقوی سے مجلس وحدت مسلمین کے قائدین کی ملاقات

اسلام آباد : معروف عالم دین علامہ سید شہنشاہ حسین نقوی سے مجلس وحدت مسلمین پاکستان کے سربراہ علامہ راجہ ناصرعباس اور دوسرے مرکزی قائدین نے ملاقات کی، ملاقات میں ملک کی موجودہ صورتحال اور ملک دشمن قوتوں کی جانب سے وطن عزیز میں فرقہ وارانہ منافرت پر مبنی جاری مہم کے حوالے سے تبادلہ خیال کیا گیا، ایم ڈبلیوایم کے قائدین نے علامہ شہنشاہ حسین نقوی پر لاہور میں درج ایف آئی آر اور مختلف شہروں میں انتظامیہ کی جانب سے عائد غیر قانونی پابندیوں کی سخت الفاظ میں مذمت کی، علامہ شہنشاہ حسین نقوی نے اظہار یکجہتی اور حمایت پر ایم ڈبلیوایم کے قائدین سے اظہار تشکر کیا اور نیک خواہشات کا اظہار کیا۔